Los calzones del miou Xuan
son d'estameña cardosa,
cuando lu veo venir,
cuento que yía la raposa.
(Vaqueirada de Somieu, creo you...)
Asina creo que se sienten muit@s falantes. Tienen un amor por su llingua, pero amigo, cuando Xuan llega con los calzones "estándar" muit@s quedan espantaos ya encima parece-ys que tan fadiendo algo malo.
Por eso mismo, digo you, falemos ya escribamos sin medrana a la estameña ni a l'estandar. Que non vos de medrana ni vergüenza la vuesa fala.
Aquademico de la Llingua
4 comentarios:
A min sedrá que sou xaldu, pero la estameña pícame; cuando visto traxe'l país que sía de pañu.
Bon, pero yía seique cousa mía igual... sou un disidente de la estameña. Había que montar tamién una "Xunta pola defensa del Paxellu d'Estameña"
L'amestáu ye'l pasu previu al desaniciu del idioma.Sofitalu -y non al asturianu- ye tener complexu d'inferioridá.Paez como si l'asturianu nun sirviera pa too.Paez como si tuviermos vergoña del asturianu.¿mieu al estandard?¿por qué? ¿hai mieu al estandard castellanu?¿nun s'usen les normes estandares de la gramática de Nebrija?
Dada uno que fale lo que-y pete:occidental,oriental,central,amestáu,.. Pero lo que sirve pa toles llingües del mundu tamién val pal asturianu.
Coñu, you digo que ese del desaniciu ía una palabra un pouco desaxerada ya lugubre.
Los estándares son abstracciones ya los mis vecinos (de más de 70 años) son concreciones que entienden de falar lo suyo non lo que ys dicen dende Uvieu o Xixon los filologos.
Aquademico
Agradecese muito la participación de la xente, pero:
1.Porquei son los dos ultimos comentarios anonimos?
2. Nun me digais que vos de medrana identificavos pa falar con los demas.
Aquademico de la LLingua
Publicar un comentario